Villaspeciosa in un click!

Progetto finanziato tramite la L.R. n. 261997

  • Increase font size
  • Default font size
  • Decrease font size

Pipiesa

Sa pipiesa de una borta no fiat cumenti sa de imoi; is pipius de piticheddus giai depiant agiudai in domu (a fai su pani o a pangai is bèstias) e andai a traballai in is domus de is arricus, mancai fessint pipius sceti. Po ddus mandai a scola no ddoi fiat dinai. Comunca, mancai traballessint giai, arrennesciant a giogai puru imperendi su pagu chi ddoi fiat: sa perda po giogai a bicus, sa funi po su sartafuni, sa linna po fai cuaddeddus, su tzàpulu po cosiri bambulleddas e giogai a mama e filla.
Ddoi fiant giogus de fai totus impari puru: Mamacua, Cavalieri in porta, Nd’est lòmpiu su missu.
Is pipius giogànt in bixinau o in pratza de domu e candu fiat ora de torrai sa mama ddus tzerriàt narendi: “Pira cota pira crua, donniunu a domu sua!”.

 

1  1940. Pipiedda de unu annu apitzus de una cadira.
2  A s’acabu de is annus Coranta. Pipieddu in sa pratza de domu.
3  1950. Pipius sètzius in d-unu banghitu in sa pratza de s’oratòriu.
4  1954. Pipius in sa bia de Cixerri; ddoi fiant is puddas in sa bia, ca medas bortas is pratzas de is domus no fiant serradas e is animalis bessiant a foras.
5  Pipius in sa bia de is Messajus. Is pipius bessiant de fitianu a giogai in sa bia.
6  1945. Tres fradixeddus apitzus de unu motocarru; a palas si biri sa domu de sa palla innui incungiànt sa palla chi serbiat po donai a papai is bèstias, bois e cuaddus.
7  1940. Pipieddus chi giogant in sa pratza de domu.
8  1942. Pipius giogant artziendi apitzus de unu burricheddu e fadendi su giru de sa pratza de domu. 
9  A s’acabu de is annus Coranta. Pipius in sa pratza de domu insoru.
10 1939. Tres fradixeddus postus beni po fai sa fotografia.
11  A s’acabu de is annus Coranta. Pipias e piciocas de s’Atzioni Catòlica in sa pratza de s’oratòriu innui andànt a cantai, a pregai e a passillai.
12  A s’acabu de is annus Cincuanta. Una ajaja cun su nebodeddu in bratzus, acanta de s’eca de domu. Candu is mamas depiant traballai in domu o in su sartu is pipius abarrànt cun is ajajus.
13  1967. Unu ajaju cun is nebodeddus.
14  1938. Pipius sètzius a cuaddu cun s’ajaju.
15  A sa segundu mitadi de is annus Trinta. Pipieddus a sa scola de pipiesa.
16  A s’acabu de is annus Cincuanta. Pipius a sa scola de pipiesa.
17  A su cumentzu de is annus Sessanta. Is pipius a sa Primu Comunioni.

9876543217161514131211101