Villaspeciosa in un click!

Progetto finanziato tramite la L.R. n. 261997

  • Increase font size
  • Default font size
  • Decrease font size

Collaboratzioni cun sa scola

Po custu progetu eus fatu unu laboratòriu cun is pipius de sa de cuatru crassi de sa scola elementari de Biddaspitziosa (A.S. 2009/2010); eus chistionau de s’importu de s’àcua in sa vida de sa genti de Biddaspitziosa in su 1900.
Is fotografias ddas eus imperadas po fai a biri innui andànt a pigai s’àcua, a ita serbiant su putzu e is funtanas, poita imperànt sa màriga e is lavamanus antigus, innui andànt a sciacuai s’arroba e cumenti improntànt sa lissia e su làdiri.
Agou is pipius ant apariciau cartellonis apicighendi is fotografias e scriendi su chi ant imparau.

1. Su putzu. Fiat in is pratzas de is domus e s’àcua de su putzu dda pigànt po si sciacuai, po donai a bufai a is bestias e po acuai is ortus.
2. Is funtanas. De is funtanas pùbricas si ndi pigàt s’àcua bona, po bufai e coxinai.
3. Sa màriga. Sa genti dda imperàt po portai a domu s’àcua bona de is funtanas.
4. Su lavamanu. Sa genti ddu imperàt po ponni s’àcua po si sciacuai.
5. Sa lissia. Fiat unu limpiadori bellu meda; is meris de domu dda fadiant cun cinixu e àcua.

 5 Sa lissia4 Su lavamanu3 Sa m&agraveriga2 Is funtanas1 Su putzu