Villaspeciosa in un click!

Progetto finanziato tramite la L.R. n. 261997

  • Increase font size
  • Default font size
  • Decrease font size

Sa Candelera

Sa festa de sa Candelera dda faint su duus de friaxu. Torrant a arrapresentai candu Gesucristu fiat andau in su Tèmpiu e s’incresiai de Maria, coranta diis avatu de su partoraxu. In Biddaspitziosa sa festa dd’apariciàt sa Cunfraria de su Santu Arrosàriu, fiat una festa simpri e de crèsia sceti. Su cravàriu e su priori, is cunfraris de prus importu, scerànt is virgineddas, chi fiant duas pipias cun su bistiri biancu, su velu e sa coronixedda. Issas, acumpangiadas de sa familla e de su sonu de sa fisarmònica, depiant portai a su predi una truta, duas columbinas e un’ampudda de binu chi si dda arregalàt sa mulleri de su cravàriu. Candu arribànt in crèsia su predi alluiat sa candela de sa Madonna e incumintzàt sa processioni, a totu sa genti ddis donànt una candela. Avatu su predi fadiat sa missa e sa festa acabàt aici.
A intru de is annus Trinta e Cincuanta su predi, agou de sa missa, arriciat in sa domu de crèsia is pipias, su cravàriu e su priori po ddus cumbidai.

1  A sa primu mitadi de is annus Cincuanta. Sa cunfraria est bessendi de sa crèsia po portai in processioni sa Madonna; a palas si biri sa genti de bidda e acanta de sa stàtua is pipieddas sceradas comenti a virgineddas.
2  A sa segundu mitadi de is annus Sessanta. Sa cunfraria est bessendi de crèsia po portai sa Madonna in processioni po sa Candelera.
3  A sa segundu mitadi de is annus Sessanta. Is fèminas bessint de crèsia po portai in processioni sa bandiera de sa Madonna po sa Candelera.
4  1952. Is pipias chi po sa Candelera depint fai is virgineddas cun su bistireddu biancu, su velu e sa coronixedda.
5  A sa segundu mitadi de is annus Sessanta. Is virgineddas cun is parentis e su sonadori de fisarmònica.
6  A sa segundu mitadi de is annus Sessanta. Is virgineddas andant a crèsia cun is parentis e su sonadori de fisarmònica.
7  A sa segundu mitadi de is annus Sessanta. Fotografia in pratza de crèsia cun su vicàriu don Felice Portigliotti.

7654321