Villaspeciosa in un click!

Progetto finanziato tramite la L.R. n. 261997

  • Increase font size
  • Default font size
  • Decrease font size

Santu Sidoru

Santu Sidoru est su santu amparadori de su sartu e de is messajus, e difatis sa festa dda narant puru de sa massèritzia. Est unu costumu antigu meda, ca sa festa dd’iat portada innoi sa genti de s’Ispànnia a su tempus de su domìniu in Sardìnia, poita su santu ingunis dd’alabànt meda. Est sa prus de importu festa de beranu e sa genti de Biddaspitziosa ndi pigat parti cun passioni meda, ca dda faint no sceti po torrai gràtzias, ma po preguntai a su santu un’annada bona po sa messaria. Fintzas a pagu tempus a oi sa processioni dda fadiant a cuaddu, chi ddus cuncordànt cun is froris e apariciànt is tracas de bois puru cun a tragu is ainas de sa messaria. Oindi’ no ddoi funt prus is carrus a bois ma is tratoris ca faint su giru de sa bidda cuncordaus cun is ainas e, acumpangiaus de medas òminis, fèminas e pipius bistius a costumu, acumpangiant sa stàtua de santu Sidoru in crèsia po sa missa.

1  1958. Santu Sidoru ddu portant in processioni apitzus de su carrellu de unu tratori; acanta de sa stàtua ddoi funt duas piciocas cun su costumu sardu. Innantis a su tratori ddoi est su sonadori de launeddas.
2 1957. Piciocas e pipiu cun su costumu sardu.
3  A su cumentzu de is annus Cincuanta. Processioni po santu Sidoru in pratza Gruxi Santa.
4  Processioni. A palas de santu Sidoru si biri su vicàriu de intzandus, don Olla.
5  A s’acabu de is annus Sessanta. Piciocus bistius cun su costumu sardu.
6  A sa mitadi de is annus Coranta. Piciocheddus cun is cuaddus cuncordaus po sa processioni.
7  A su cumentzu de is annus Cincuanta. Su tratori cuncordau po sa processioni.
8  Sa traca cuncordada po sa processioni.
9  Sa traca cuncordada po sa processioni cun is piciocheddus bistius a costumu sardu.
10  Sa traca cuncordada po sa processioni.

98765432101