Villaspeciosa in un click!

Progetto finanziato tramite la L.R. n. 261997

  • Increase font size
  • Default font size
  • Decrease font size

Sa pastoria

Sa vida de su pastori fiat giai giai peus ca sa de su messaju, poita depiat pasci su tallu in su sartu de su logu innui biviat e in su de is atras biddas puru, abarrendi a foras de domu po meda diis e tambeni po cidas, bivendi aintru de is furriadroxus. Su pastori is brebeis ddas depiat amparai de is atras bèstias arestis, e si depiat amparai issu e totu de atrus òminis chi ndi podiant furai sa cosa sua. Testimòngius de is sdorrobatòrius ddus agataus in is autus de su Comunu.
S’arresurta de su traballu de is pastoris fiant sa lana, su lati e su casu. Sa tundimenta dda fadiant a su cumentzu de su mesi de maju, candu su tempus fiat prus callenti e prus chi totu su domìnigu; is pastoris s’agatànt totus impari po s’agiudai a pari. De fitianu su pastori depiat puru arregolli su trigu e su traballu fiat meda.
S’improntadura de su casu fiat traballosa e longa e ndi bessiant de medas calidadis: casu sardu friscu o sicau, arrescotu, casu axedu e casu martzu.
Mancai prus pagu in bidda ddoi fiat puru su pesamentu de is procus, ca serbiant prus chi totu po ddus papai, e su de is bois, ca ddus imperànt po su traballu in su sartu.

1  Su pastori cun su tallu de brebeis.
2  A su cumentzu de is annus Sessanta. Pastoris cun su tallu de brebeis in bidda.
3  Su pastori apustis chi at bociu una brebei.
4  A su cumentzu de is annus Sessanta. Sa tundimenta.
5  A su cumentzu de is annus Setanta. Pastoris chi funt fadendi sa tundimenta.
6  A su cumentzu de is annus Sessanta. Òminis tzerriaus a agiudai po sa tundimenta.
7  A su cumentzu de is annus Sessanta. Su pastori in mesu a su tallu de brebeis.
8  Unu tallu de brebeis candu ndi brintat in su madau.
9  1932. Òmini chi est mullendi is bacas.
10  1932. Su boinarxu acanta de is bacas.
11  Su procaxu portendi a pasci is procus.
12  Su procaxu cun is procus acanta de sa crèsia de santu Pàrdimu.

987654321211101