Villaspeciosa in un click!

Progetto finanziato tramite la L.R. n. 261997

  • Increase font size
  • Default font size
  • Decrease font size

Presentadura de su progetu

Villaspeciosa in un click est s’arresurta de su progetu “Le fotografie raccontano la vita/ Is fotografias contant sa vida”, de su 2009 pagau de sa Lei de s’Arregioni n. 26 de su 1997 (amparu e abaloramentu de sa curtura e sa Lìngua Sarda) e de su Comunu de Biddaspitziosa.
Sa tenta est sa de fai a biri cumenti biviat sa genti de Biddaspitziosa a su cumentzu de su 1900, po fai custu eus pigau is fotografias de sa genti e po donniuna eus aciuntu unu scritu cun su chi s’ant contau is bècius de sa bidda, ca funt scìpius de sa manera de bivi de su tempus.
Su progetu est su sighimentu de sa circa chi su Comunu at fatu giai po s’abaloramentu de su costumu e de sa lìngua de Biddaspitziosa cun su lìburu Sa Bidda Nosta - Is traditzionis de Biddaspitziosa e chi oindi’ bolit sighiri a fai cun s’improntadura de su situ po is fotografias.
S’atori de su progetu est sa genti de Biddaspitziosa, chi s’at agiudau meda contendusì cumenti biviat innantis de oi. Totu custu est po is spitziosesus e no sceti, ca su situ fait a ddu biri in totu su mundu, e dd’eus improntau po is chi bolint connosci e no si ndi bolint scaresci de su passau nostu.

Fadei bonu biaxu!